Loading...

A memoir



An article published in the M E Cherian Smaranika (Souvenir) [--split--]


Late Mr. M E Cherian

എന്റെ ചെറുപ്പകാലത്ത്, ഏഴിലോ എട്ടിലോ പഠിക്കുന്ന കാലം.  നോട്ടുബുക്കില്‍

കഥകള്‍, കവിതകള്‍ ഗാനങ്ങള്‍  എന്നീ തലക്കെട്ടുകളില്‍ എന്തെല്ലാമോ

കുത്തിക്കുറിച്ചിടുന്ന കാലം.  സുവിശേഷകന്‍ മാസികയെപ്പറ്റിയും

ബാലസംഘതെപ്പറ്റിയും അറിഞ്ഞു തുടങ്ങിയ കാലം.


കുറിച്ചിട്ടവയില്‍ ഒന്ന് രണ്ടു ഗാനങ്ങളും ഒരു ചെറുകഥയും കടലാസ്സില്‍ പകര്‍ത്തി

ചെറിയാന്‍ സാറിന്റെ പേരില്‍ അയച്ചു കൊടുത്തു.  അധികം വൈകാതെ മറുപടിയും

 വന്നു.  "കഥ നന്നായിരിക്കുന്നു, അടുത്തൊരു ലക്കത്തില്‍ ചേര്‍ക്കാം, ഗാനങ്ങള്‍

അത്ര നന്നായിട്ടില്ല.  വീണ്ടും എഴുതണം കേട്ടോ".
 


കത്തു വായിച്ച ഞാന്‍ ആനന്ദാതിരേകത്താല്‍ തുള്ളിച്ചാടി.  എന്റെ ആദ്യത്തെ രചന

ഇതാ വെളിച്ചം കാണുവാന്‍ പോകുന്നു.  അതും ചെറിയാന്‍ സാറിന്റെ മാസികയില്‍.

എന്നെ അത്യധികം സന്തോഷിപ്പിച്ച ഒരസുലഭ നിമിഷം.  പ്രസിദ്ധനായ ഒരു

പത്രാധിപരുടെ കത്തു ലഭിച്ചു എന്നതും അദ്ധേഹത്തിന്റെ  മാസികയില്‍ എന്റെ

ആദ്യ രചന പ്രസിദ്ധീകരിക്കാന്‍ പോകുന്നു എന്നറിഞ്ഞതും എന്തെന്നില്ലാത്ത

ഒരാനന്ദം എനിക്കനുഭവപ്പെട്ടു.  ഒപ്പം അതെനിക്ക്  കൂടുതല്‍ കൂടുതല്‍

എഴുതണമെന്നുള്ള പ്രേരണയും പ്രോത്സാഹനവും നല്‍കി അങ്ങനെ പലതും

കുറിച്ചിടുവാന്‍ എനിക്കു കഴിഞ്ഞു. 

തുടര്‍ന്ന്  ഒരു കഥയും, കവിതയും, ലേഖനവും അദ്ധേഹത്തിന്റെ പേരില്‍ മാസികക്ക്

അയച്ചു.  വീണ്ടും മറുപടി ലഭിച്ചു.  "ലേഖനവും കഥയും അല്പം ചില തിരുത്തലുകള്‍

വരുത്തി മാസികയില്‍ പ്രസിദ്ധീകരിക്കാം.  ലേഖനങ്ങള്‍ എഴുതുന്നതിലാണ് 

കൂടുതല്‍ വാസന എന്നു തോന്നുന്നു.  ആ വഴിക്കു ശ്രമിക്കുക.  കര്‍ത്താവ്‌ 

സഹായിക്കട്ടെ."



ആ വരികള്‍ ഞാന്‍ വീണ്ടും വീണ്ടും വായിച്ചു.  എന്റെ സന്തോഷത്തിനു

അതിരില്ലായിരുന്നു.  സാറിന്റെ അന്നത്തെ കത്തുകള്‍ എനിക്കു നല്‍കിയ

പ്രോത്സാഹനം പ്രത്യേകം എടുത്തു പറയേണ്ടത് തന്നെ. 


അങ്ങനെയിരിക്കെ കുമ്പനാട് കണ്‍വന്‍ഷന്  ചെറിയാന്‍ സാര്‍ പ്രസംഗിക്കാന്‍

വരുന്നുണ്ടന്നു കേട്ടപ്പോള്‍ അതിയായ സന്തോഷം തോന്നി.  എങ്ങനെയെങ്കിലും

സാറിനെ കാണണം എന്ന ചിന്ത എന്നെ ഭരിക്കുവാന്‍ തുടങ്ങി.  എന്റെ

മാതാപിതാക്കള്‍ എല്ലാ വര്‍ഷവും കുമ്പനാട്  കണ്‍വന്‍ഷനു പോവുക

പതിവുണ്ടായിരുന്നു.  അവരോടൊപ്പം പോകാനും സാറിനെ കാണാനുമുള്ള എന്റെ

ആഗ്രഹം ഞാന്‍ പിതാവിനെ അറിയിച്ചു.  പിതാവ് അതിനു സമ്മതിച്ചു.  അങ്ങനെ

ആദ്യമായി കുമ്പനാട്ടുവെച്ചു സാറിനെ നേരില്‍ കാണാനും പരിചയപ്പെടാനും

കര്‍ത്താവ്‌  സഹായിച്ചു.  ആ വര്‍ഷം ജനുവരി ലക്കം സുവിശേഷകനില്‍ എന്റെ ഒരു

ലേഖനം പ്രസിദ്ധീകരിച്ചിരുന്നു.  അതിന്റെ ഒരു കോപ്പി എനിക്ക് തന്ന്  എന്റെ

പുറത്തു തട്ടി എന്നെ പ്രോത്സാഹിപ്പിച്ച ആ അസുലഭ നിമിഷങ്ങള്‍ ഞാന്‍ ഒരിക്കലും

മറക്കില്ല.


Source:
M E Cheriyan  Smaranika, published by GLS Mumbai
Chief Editor, Br. George Koshy, Mylapra
Pic. Credit. Orkut.

Latest Activity

posted a new blog entry OM BOOKS.
3 years ago
posted a new blog entry OM Books Online.
3 years ago
posted a new blog entry ശൂലമി.
3 years ago

Share

Powered by